Model Penginjilan Evangelism Explotion (EE) Bahasa Toraja

Evangelism Explotion (EE) adalah sebuah lembaga penginjilan dan misi yang dibentuk untuk memperlengkapi setiap orang percaya untuk membawa kabar baik Yesus Kristus itu kepada mereka yang butuh kasih Kristus itu. 

Dalam hal ini penginjilan harus menjangkau semua budaya, adat, dan tidak memandang golonga manapun. Nah, salah satunya adalah budaya Toraja. Penulis sangat tertarik untuk bisa menjangkau orang-orang yang masih rindu kasih Krsitus di Toraja, namun diperlukan juga kemampuan paling tidak linguistik atau bahasa untuk bisa memberikan penjelasan kepada orang Toraja dengan baik. Olehnya itu, penulis mengupload EE dalam versi bahasa Toraja.

Harapan penulis bisa membantu semua orang percaya yang berusaha membagikan kasih Kristus itu kepada orang banyak.

Selamat membaca, menyimak, dan mepraktekkan.

Tuhan Berkati :)

                          Foto: Penginjilan Oleh STT Kibaid Makale Ke Baruppu' Toraja Utara

Umpa’peambaran Kareba Melo

Den da’dua pekutana lakupekutanaan lako kalemi…… (nama orang/sapaan).

1.      Ia ke natambaikomi Puang Matua allo iate mikanassaisiamoraka lan penammikumua latamakomi suruga?

2.      Na pa ia ke dio to ba’ba suruga nakumi Puang Matua, “Maapiri Kulaupatamako surugangKu? Aparalamipebalian ?

Ia tu katuan saelakona napa’kamasean Puang matua lako to lino susimisa’ pamengan tangdialli tangia kita assele’ pengkarangannta, apa mintu tau tae na sielle ba’tu sipato’ untarimai tu pamengan iato belanna dosa ba’tu kasalan.  Mintu tau nasambo langi madosa nasangmo dio olona Puang.

Apara tu disanga dosa?

Ia ke kamu……(nama orang/sapaan)

Apara tu disanga dosa ?

Ia tu biasa nani tau madosa ullendui buangan kadanta, ullendui duka pa’tangaranta la’bi pole’paraka ke umpata’paiki tau lima.  Ba’tu den apamelo ditandai apa tae’ nadipogau’.  Ia ke lan sangallona ta pogau’ dosa ba’tu kasalan pentallunbangmo malambi’, tanggallo, namakaren susiki’ to kande pedampi dadi anna lan sangbulan battuananna kaserapulona salata.  Anna lan sangtaun sangsa’bu tu salata.  Iake tuoki’ pitungpula taunna berarti pitung pulo sa’bu salata.  Bisarikika tama suruga ke umpoga’ki dosa padato? Ia ke susito tae’ nabisa tu tolino umpasalama’ kalena.  Pembudaki’ matangnga’ kumua antala mentama suruga laumpogau’ki buda penggauran melo.  Apa pira tu penggauran melo latapogau’ namane untarimai Puang Matua belanna ia tu Puang Matua nadaka’ tu kasundunan katuan.  Pirara tu disanga sundun ba’tu ganna’?

Iake dibengki angka karua dio passikolan ba’tu angka kasera tae’pa naganna, sangpulopi na ganna.  Susi ke den misa keluargga katoratuan nalendu’mo bongi natae’tu apa nabenni apa den sia sangpulo tallo apa te’ naganna ke dipare’dei ba’tu dinasu kalebui.  Kumua anna ganna tu tau, ia tu tallo iato digoreng.  Ia tonna diparokko pamuntu den misa tu bosi na iate bosinna ullelei tu melonapa natae’mo nabisa dikande saba’ bubosi.  Ten dukamoto ia tu penggauran melota naruttakki misa penggauran kadake.  Dadi ia tu penggauran melota tae’ naia la umpasalama’ki.  Dadi iake susito maikomi tatiroi tu lalan nani Puang Matua umpasalama’ki.

Ia ke kamu umbara susi tu sipa’na Puang Matua?

Den tau umpahangi kumua ia tu Puang Matua liu mamase mui apa dipogau’ nangla napagarri’ki’ ia.  Susi misa’ nenek ungkamassengngi ampona, mui salabangna paogau’tu ampona tae’ nata’tanlenni.  Apa tae’ nakilalai kumua ia tu Puang Matua malambu’ Ia ba’tu adil.  Den duka tau umpahangngi kumua ia tu Puang matua malambu ba’tu maruru’ namintu kasalanta inangla dipapakkanni.  Dipa’pasusi polisi diolu lalan ianna tae’ na ma’helem tu tau ditilang.  Tapi sitonganna ia tu Puang matua mamase sia maruru’ natae’nala unnukungki’.  Apa ia tu Puang Matua marruru’ napapakkanni tu mintu dosa ba’tu kasalan.  Dipa’pasusi misa’ ambe male boko lako bank.  Ia to doi naboko limangpulo juta.  Na lan bank iato den tu foto umfotoi tu tau iato sisola ba’tu pira-pira tau lan bank untiroi.  Ia tonna dibamo lako pengadilan iate tau iate ditarungku limang taun.  Apa iatonna ladipamattantu tu hukumannna, nakumi te tau ia te perangipa’dolo, salamo’ sia menassanmo’ mangka boko kupasulemo te doi’ sia te’ sia tau kusanggang.  Ma’dandi na totemo tae’mo ku laboko sia rampananna’.  Ia anna  pangra’ta kara-kara ia to maruru’ bisaraka narampannan tu tau ia to? Ia tu hakim ke maruru’ tonganni narampannani tu tau ia to belanna menassanmo sia te’mo naboko moi misa’ bank lan te lino tae’ nala manaman.  Susi bangsia kita to madosa pasti dihukum ba’tu dipapakkanni iamo tu mentama naraka kamatean saelako-lakona.  Mitandairaka tu masalana?  Ia tu Puang Matua maruru’ napapakkanni tu dosa.  Apa ia duka tu Puang Matua mamase’ nanoka umpapakkanni tu dosa.  Iate kara-kara ia te lendu’ masussanna.

Umba susi nakamamasean nakamarurusan si tammu?  Iate kara-kara ia te masussana apa ia ke Puang Matua tae’ na masussa.  Den misa’ tau di sanga Samila dio tondok Rusia morai la umpemeloi tondokna belanna ia tu datunna umpoparina misabangkalena.  Iate Samila narampun tu tau sola keluargana namale tama pangala’ morai la untobanganni tu datunna apa den tu masala’ dadi belanna ia tu kandena sidi’ri sia den bang tu tau lo umbokoi.  Iate to mangkampa kande tae’ natandai inda tu umbokoi apa nakua lako Samila, den bang tu tau umbokoi tu kande.  Na kuami Samila minda-minda tu diamparan umboko kande ladibamba kayu pellimangpulo di olona tau buda.  Attu ia to tae’ to book.  Apa tae’ namasai diamparan tu toboko iato.  Na iatu tau iato indo’na bangsia Samila.  Lendu’ masussana nasangding Samila.  Ia annala umbambai tu indo’na pellimang pulo nanglamate saba’matuamo natae’ duka nakamasei tu indo’na tu mangka umpekapuai.  Apa ia ke tae’ nabambai tae’ duka namaruru’ lako tau buda saba’ ianna tau nabamba tapi ia ke indo’na narampanan.  Ia to bongi ia to ia tu Samila tangmamma’ untangngaranni tu indo’na.  Ia duka tu tau buda ma’kada nakua ia ke nabambai tu indo’na ba’tuananna pia tang mamase lako indo’na.  Apa den duka tu ma’kada nakua iake tae’ nabambai tu indo’na tau ia to tangmaruru’.  Ia tonna masingmo diomai ia tu tau si rampun dio tana lapang laumpengkitai tu indo’na Samila la dihukum.  Ia tonna lambi’mi attu la dihukum tu indo’na samila mentamami tana lapang tu pa’baraninna Samila.  Ia tu indo’na Samila disambeko na dipumpung dio to’ kayu.  Ia tonna diko mando te pa’barani la ma’bamba satu…..,  dua……, ta’pa den gamara metamba da’ patarrui.  Ia tu tau pada mangnga ma’apai natae’nadipatarru’.  Ia tu Samila mello domai to’kaderana ma’dondo tama lapangan naraka’I tu indo’na naudungngi narampananni tu peporinna nabai lako to’biring lapangan namangka to ia tu Samila mentama lapangan naalai tu bayu kadatuanna nama’kale-kale di bammba ussonda indo’na.  Dio to biring lapangan indo’na Samila tumangi belanna kasalanna anna ia to anakna dibamba.  Inde te dini untiroi kamamasean anna kamarurusan sitammu ullendui passorongan kalena. Ten dukamoto tu Puang te’ napesakkaranni to kamaseanna lako kita sia tae’ duka napa’dei tu kamarurusanna lako kita. 

Puang Matua umpopempayanni tu kamamaseanna sia kamarurusanna lako kita ullendui passoronganna lan Puang Yesu’.

Ia tu Puang Yesu’ iamo Puang Matua mendadi tolina.  Apara tu mangka napogaukan?  Melo ke kupatiroangkomi susite.  Ia kenna ia te lima kairingki dipa’pasusi to lino, na ia te lima kanangku dipa’pasusi Puang Matua, Ia tu Puang Matua la umbengki katuan saelakona susi misa’ pamengan tangdialli apa den tu ussakkalnganni na tae’ na bisa di ala belanna dosa.  Ia kennala dioki’ tu dosata lan misa’ sura’ tae’ nalaganna tu sura’ iate.  Ia tu kita tomadosaki’ apa Ia tu Puang Matua liu mamase tae’ nalaumpappakkanni tu dosata.  Apa ia duka tu Puang Matua maruru’ napapakkanni to dosata.  Umba nakua ia tu kamamasean sia kamarurusan sitammu?  Mikilalairaka tu ceritanna Samila nina’?  Mempayan kumua kamamasean sia kamarampasan sitammu ullendui passorongan.  Tenmoto tu Puang Matua umpasalama’ torro to lino ullendui karampoanna Puang Yesu’ tama lino mendadi to lino susi kita.  Ia tu to lino ponno dosa na ia tu Puang Yesu’ tae’ namadosa.  Belanna te’ Ia na madosa na bisa untangggung tu dosata.  Ia tu mintu’ dosata sia kakadakeanta natanggung Puang Yesu.  Tae’ Ia namadosa apa mangka diangga susi to madosa ussondaki kumua ia tu kita diangga’ to tongan dio pentirona Puang.  Do kayu pea’ta Puang Yesu’ umpassan dosata.  Ia tonna tae’pa namate ma’kadami kumua sundunmo.  Battuananna mintu’ tu kadila’bangkan dosa tempon dio mai, totemo na saelako-lakona dipagarrimo ullendui kamateanna Puang Yesu’ do kayu pea’ta.  Puang Yesu mate, dikaburu’, natuo sule anna kendek langan suruga, do mai suruga nani umpa’peambaranni tu katuan sae lakona susi misa pa’kamase tangdialli.  Iate katuan sae lakona ditarima sisola kapatongan.

Ia tu kapatonganan dipa’pasusi kunci umbungka suruga.  Den indete tu ba’tu pira-pira kunci tapi tae’ namintu kunci ia te, bisa nasang dipake umbungka’ misa’ ba’ba.  Ia tu kunci tongan laumbungka ba’ba suruga disangan kapatongana mepasalama’.  Na ia tu kunci senga’ tae’ nabisa dipa’bungkaran, dipa’pasusi kapatonganan tang mepasalama’.  Umbara susi tu disangan kapatonganan tang mepasalama’?  Ia tu kapatonganan tang mepasalama’ di pa’pasusi to mengkondong lan kamalillinan, tae’ natandai tu apa dio olona.  Ma’ patongan apa tae’ natandai minda tu napatongan.  Ia tu kapatonganan kasaranian menggaronto lan kamalimbangunanna Puang Yesu’ dio mai kamatean natiro la’bi lima ratu’ tau.

Ma’penduanna ia tu kapatonganan tang mepasalama’ iamotu menggaronto’bangri dio akkala’na.  Susinna kumua ia tu presiden Indonesia natandai tapi, anna den lo lako banuanna tae’ natarimaki’ belanna tae’ na den siba len sia sipa’kada len.  Susibangsia to buda tu tau untandai Puang Yesu’ mate do kayu pea’ta belanna dosana tolino.  Natandaiduka kumua Ia mo Puang apa tae’ napatongan-tonganni.  Ten dukamoto buda tu tau untanndai kumua Puang Yesu’ iamo jurusalama’ apa dio bangri pa’tangaranna.  Ia duka tu setang napatongan kumua ia tu Puang Yesu’ apa ma’parondo.  Mentamaraka tu setang tama lan suruga? Tantu tae’.  Ia tu kapatonganan mepasalama’ tae’ naditandaimanna minda tu Puang Yesu’ dikanassai ullendui pa’tanganrannta apa parallu disattuan sisola ponno pena susi misa’ juruselama’ launnampa’ katuan saelakona.

Den duka tu kapatongannan tang masaelako.  Ia mo tu ussattuan Puang Yesu’ secara batang kale.  Susi ke umparalluiki kamalapuran naden massambayang, umparalluiki doi’, si pa’tunduan ludiomai Puang Matua.  Apa launnapa’ katuan tontong saelakona usaatuanki penggauran melo sia kamenomban na senga’-senaga’na.  Mintu’na te melo apa lan manna ri lino.  Nakaeloi Puang Matua laumpatonganni lan kara-kara ia tea pa tae’ nalaumbaki lako katuan maselako.  Paralluki ussattuanni anta ampa katuan saelakona.

Ia to kapatonganan mepasalama’ iamotu umpahangngi sia ussattuan Puang Yesu’ susi misa’ Puang juru salama’ dini unnampa katuan sae lakona.

Den misa’ pa’pasisian susite, dio Amerika den tu tau disanga Pak Blondin.  Iate tau ia te bisa lumingka do misa tete kawa’.  Ia tonna pa’bunga’na tae’ apa nabaa.  Ia tonna ma’penduanna umba garoba’ naponnoi kassi.  Ia tonno rampo lian massala’pa nasang tu tau.  Mekutanami tu panggawana lako tau buda nakua mipatongan raka kumua ia tu pak Blondin bisa la umpalamban tau do te to’ garobak?  Nakumi tau mebali ia kipatongan. Nakuami tu panggawana mindarana morai ladipalangan te garoba nadipalamban?  Dikutanai misa’ pia muane nakua tae’pa kuma’rumah tangga,  dikutanai misa’ nenek, nakuami more-morebangmo doki tobangna rokko.  Dadi tae’ bang tau morai.  Attu ia to den mi misa’ pia muane kendek langan to garogak iato nasorongngi rampo lian sambalinan.  Ia tu tau massala’pa-la’pa.  namekutana mindara anak tu pia ia to?  Ma’ apai na barani kendek langan?  Taerakaiok mumataku’ nakuami tae’ku mataku saba’ iatu pak Blondin ambe’ku.  Inde te tani untiroi da’ dua kapatonganan.  Ia tu to buda ma’patongan ullendui tanga’na sia nakanassai duka apa tae’ nasa’tuanni tu pak Blondin.  Ten dukamoto tu kapatonganan tang mepasalama’ lan bangri tangnga’na sia dikanassai duka apa tae’ nasattuanni tu Puang Matua.  Iate pia  natandai, sia natonganni anna sattuan duka tu ambe’na, ten dukamoto tu kapatonganan tongan ditandai tu Puang matua anna dikanassai sia disattuan la unnampa katuan tontong saelakona.

Mi pahang nasangmoraka tu iate?

Morairokomika la untarimai tu katuan saelakona?  Ammi morai launtarimai tu katuan  saelakona tarimai tu to umpa’ben katuan saelakona iamo tu Puang Yesu’.  Lamisattuan tu Puang Yesu’ susimisa’ Juru salama’ sia lami akui tu Puang Yesu’ lan penammi ammi mengkatoba’komi mituru’ Puang Yesu’.  Ia moraka te tu mikamali’na?  Lamiparampo tu tanan penannmi lako Puang Yesu ullendui kapasambanyangan.

Ta massambayang (Berdoa)

Ma’ kurre sumanga’ kan sisola……

Belanna napahangmo sia moraimo launtarimamo katuan saelakona.

Totemo lanapokada to apa mendadi kamamaliran penanna matik oloMi…….

Puang Yesu,  aku te tomadosana’ tang sipatuna’ untarima katuan saelakona, apa kupatongan kumua mangkakomi mate sia tuo dio mai to’ kaburu’ ammi pasadianna inan do suruga.  Puang Yesus’ mentamamokomi penangku mendadi Puangku sia pelakbakku to temo nasaelakona.  Pagarrimi tu dosaku anna Puang Yesu’ ku sattuan umpasalama’nai.  To temo kutarimamo tu katuan saelakona.  Kurre sumanga’ Puang Yesu.

Situru’ pa’dandimmi Puang kumua minda-minda tu ma’patongan unammpa katuan masae lako anna mendadi anak Puang sia mipagarri tu mintu dosana,  to temo kupatongan kumua unnampuina’ katuan tontong saelakona sia latamana’ suruga.  Amin.

Totemo lakubasangkomi apa tu napokada Puang Yesu tu diona apa mangkamo mi ra’ta’.  Lammai Yohanes 6:47.  Puang Yesu’ ma’kada, “Ma’kadana lako kalemi kumua minda tu ma’patongan unnampui katuan saelakona.  Puang Yesu’ kalena ma’dandi umpa’ben katuan saelakona watttunna simisa’misa’ tau umpalakui.

Mulai totemo situru’ dandinna miampa’mo tu katuan saelakona battuananna piran-piranbangmo natambaikomi Puang inang la tamakomi suruga.  Dadi katuan tontong saelakona ditarima ulenndui’ kapatonganan. 

Pembudaki ma’tanga’ kumua ia tu unnampak katuan tontong saelakona la mentoe mandaki lako limanna Puang.  Apa tang matoto’ki’ sia malammaki’ sia dirampanan tu limanta.  Apa wattunta ma’patongan lako Puang Yesu’ Puang Yesu’ tu launtoe tu limanta.  Tae’ narampanan lenni tu limanta.  Tabasai lanmai sura’ Yohanes 10:28, Puang Yesu’ ma’kada, “Aku laumbenni katuan tontong saelakona, tae’nala sanggang saelakona sia moi misa’ tau tae’ belai urrampai diomai kaleku.”  Dadi iatu kasalamaran napa’ben Puang Yesu’, iamo kasalamaran manassa tongan tangngia apa balle.  Dadi ia ke matekomi allo iate mikanassai siamoraka kumua lamentamakomi suruga?  Naumbasusi tu penggauran melota?  Penggauran melo dipogau’ tanda bua-bua kasalamaranta (Ef. 2:10).

Salama’ mentama keluargana Puang Matua.

@FrerianusErwin

#FrerianusErwin